Rul In Nauhak Kum 2 Mi A Cuk, Nauhak Thinheng In Rul Cu A Keu That

Turkey, Kantar khua ih um nauhak kum 2 mi cu a a hmur ah rul in a cuk, a thinheng tuk ruangah rul cu arak keu that. August 10, 2022 sun ah an hmunchar ah a lek, a pa cu hna a ṭuan.

Cutin a lek rero laiah rul a hmu, rul hi inch 20 ih sau a si. Rul cu a kai ih a lekpi rero laiah rul in a hmur ah a cuk thutthi, a thinheng ih phuba laknak ah rul cu a keu that ve.

An innhnen pawlin a au thawmvang an thei ih an va zoh cu a kaa ah rul thicia in an hmu, a hmur hnuailam ah rul ih cuknak hliamhma an hmu.

Nauhak cu siizung ah an tlanpi hngal ih an tuamhlawm, siibawi pawlin nazi 24 sung an zohdik hnuah a damṭha zo’ an ti. Hringtu a pa in, “Pathian in a humhim. Rul a kai ih a lekpi rero laiah a cuk, curuangah rul cu a keu that ve” a ti.

Be the first to comment

Leave a Reply

Your email address will not be published.


*