Russia Ah Mikeu Thlisia A Hrang, Ni Khal An Phen

Russia ramsung ah mikeu thlisia a hrang ciamco ih an tam tuk ruangah ni khal an phen thei. Tualsung thuthang ah “Mosquito tornado in Russia” tin an tarlang.

Russia ramsung ah tili / tiva a tam tuk ih cutawk ihsin mikeu an suak ṭheu, tuikum cu kumdang aiin a hlum cuang ruangah mikeu khal an tam cuang ti a si.

Pacang Alexei in “Mikeu an tam tuk ruangah lamzin khal ka hmu thei lo. Inn sangka khal kan ong ngam lo, thlisia tornado vekin an her mutmo” a ti.

Mithiam pawlin “zianghman ṭihnung aum lo, mikeu pawl hi hitin an um can aum ṭheu. Mikeu pa pawlin mikeu nu an pawl tum ih an dumaw ciamco ṭheu. Mikeu pa pawl an si ih mikeu pa in minung an keu ve thei lo, mikeu nu lawngin minung thisen an zuk ṭheu” tin thu an suah.

Be the first to comment

Leave a Reply

Your email address will not be published.


*