Russia In An Ram An Siim Ruangah An Neiaw Lohli, A Thaizing Ah Meithal Kengin Ral An Do

Ukraine fala le tlangval kum 24 mi Fursin le Arieva (kum 21) cu October 2019 kum ah an rak tong ih an duhaw. May 6, 2022 ah nuam zetin neiaw dingin ziangkim an tawlrel thluh. Asinan, February 24 zing ah Russia in Ukraine thawn ral an tho thu an phuang ih an kapaw ciamco.

Curuangah a zing ah kutsihnak an nei cih, an neihawk lai khalah meithal awn le bomb puak awn an thei rero. Kum 21 mi Arieva in, “May 6 ah nuam zetin neihawk kan tum, tiva kap ah kutsihnak neih kan tum. Asinan Russia president Putin ruangah ziangkim a danglam thluh.

Kan boruak a sia tuk ih hmailam caan ah ziang kan cang ding ti kan thei lo, kan thi thei. Kan thih hlanah kan neiaw ta duh” a ti. An neihawk hnu biakinn leng an va suak ih meithal awn le bomb puak awn an thei vutvo. A thaizing ah meithal kengin doawknak tualrawn ah an va poksuak.

Arieva in, “Kan ram hi kan humhim a ṭul, kan duhdawtmi kan mipi pawl kan kilhim a ṭul. Nikhat khat ahcun kan neihawknak puai cu nuam zetin kan tuah leh ding ti ruahsannak ka nei” a ti.

Be the first to comment

Leave a Reply

Your email address will not be published.


*