A Veithumnak Meeting An Nei Ih An Hlawhtling Lo

Russia le Ukraine palai pawl cu a veithumnak an tonaw khawm nan an thurelmi ah an hlawhtling lo, an meeting cu Turkey ram in a kaihruai. Russia le Ukraine ram buainak cu ni 16 a kim zo nan remawknak an tuah thei hrih lo.

An palai pawl cu a veithumnak an tonaw khwam ih Ukraine ih ngennak cu Russia in a cohlang lo. Ukraine palai in, ‘Mariupol khawpi ih tang khuasung mipi pawl cu va runsuak dingin le nazi 24 sung kahcawlhnak nei dingin an dil nan Russia in a cohlang lo.

Russia palai in, ‘Nan meithal ret uh, cun NATO ah um tum nawn hlah uh’ tin a dil ve ih Ukraine in meithal ret ding cu an cohlang ve lo. Cutin, thurelcat mi nei loin an meeting cu an cemter.

Be the first to comment

Leave a Reply

Your email address will not be published.


*