Russia Le Ukraine Nupa In An Mai Ram Thantar Veve An Sin, Mipi Lunglai A Sun >>>

Russia le Ukraine ram cu an doaw rero lai ih khatlam khatlam in mithi le hliamtuar an um. British MP hlun in, “Doawknak ah nehtu an um dah lo, an zaten sungtu / duaitu an si thluh” a ti. Doawknak a cem hnu ahcun khatlam khatlam mipi pawlin doawknak ih a rahsuah cu an tuar, seng veve.

Russia le Ukraine cu innhnen aw an si vekin an mipi pawl khal an pehtlaih awknak a ṭha zet ih nupi pasal ih neiaw khal an um hnuaihni, Russia mipi pawl khalin doawk hi an duh lo ruangah an khawpi ah lamzawhnak an nei ih tualsung palik pawlin a thawngtel in an kai zo.

Russia le Ukraine nupi tuakkhat ih zuk cu tulai ah a lar ciamco sal, himi zuk cu November 2019 kum ih an rak zukmi a si nan tulai an ram pahnih a buai ruangah mipi in a thar in an tarsal. Himi zuk ih nunau Juliana cu Russia miphun a si ih a pasal cu Ukraine mi a si.

Juliana in, “Himi kan rak zuk laiah ramkhelh thuhla zianghman aum lo, concert kan fehnak hmun ah kan zukaw. Online sungah arak lar ciamco ih himi zuk in mipi pawl beiseinak thar aneihter ti ka hmu. Ziangkim a ṭha thluhsal ding, duhdawtnak in ziangkim a neh thluh” a ti.

Be the first to comment

Leave a Reply

Your email address will not be published.


*