Russia milar hminthang Alina Fazleeva cu Indonusia, Bali khawpi ah ava tlawng. Taksa harhdamnak yoga ih hminthang a si ih online sung khalah a lar zet. Babakan Temple kiangah an va feh ih hlanlai thingkung tumpi ah taklawng in a zukaw.
Himi thingkung cu kum 700 ih upa a si ih tualsung mipi pawlin an upat in an serh zet. Alina cu taklawng in thingkung ah a zukaw ih online parah a pholang cu mipi in an soisel nasa.
Curuangah a zuk cu a hlonhlo sal ih thingkung hnenah ngaihthiam dilnak anei hnuah “Indonesia mipi pawl in ngaithiam hram uh, ka thiltuah mi hi ka siraw tuk. Himi hmun le ram hi ka rak theihfiang lo ruangah a si, ka ning khal a zak zet” tin ca a tar.
Himi hnuah palik sakhan ah ava feh hngal ih a thiltuah mi cu a sim thei ih ngaidam a dil. Palik bawi in, ‘Tualsung mipi pawl upat lonak a si. Curuangah Indonesia ram suahsan hngal dingin hremnak kan lo pe” a ti. Alina Fazleeva in Indonesia ram a suahsan zo ih thla 6 sung Indonesia ram tlawng thei lo dingin hremnak an pe.
Leave a Reply