Russia Pawlin A Hmai Ah An Kap Ih An Phum, A Talsuak Thei

Ukraine, Dovzhyk khua ih um tlangval Mykola le a naule mipa pahnih cu March 18, 2022 ah Russia ralkap pawlin an kai. Ralkap ralkap motor bomb puahtu ah an ruat ih an vel ciamco, meithal in an kap thluh.

A naupa pahnih cu an kap that hmaisa, Mykola khal a hmai ah an kap ih mak zetin a biang vun lawngah an kap ngah. Meithal cerek cu a sam ihsin a suak.

A hmai vun ihsin thisen a suak ruangah Russia ralkap pawlin a thi ah an ruat, arak thi bum men. A naule ruak pahnih thawn an phum tlang, cumi hnuah a talsuak thei ih an inn ah ava tlung cu a farnu in arak hngak ringring.

Zarhnih hnuah Russia ralkap pawlin an khua cu an suahsan, a naule pahnih ih ruak cu an va phorhsal ih ṭhaten an vuiliam. Mykola in, “Ka nungdam thei cu ka vanṭha tuk. Ka parih thilthleng hi leitlun mipi pawlin thei thluh seh” a ti.

Be the first to comment

Leave a Reply

Your email address will not be published.


*