Russia Ralkap In Naute A Pawngsual Ih Video A Zuk, “Russia Pawlin Nunau Pawngsual Cu Ralthuam Pakhat Ah An Hmang”

Russia ralkap pawlin Ukraine ram an va siimnak ah Ukraine nunau pawl cu an pawngsual vivo, ṭhenkhat cu an pawngsual hnuah an that. Ṭhenkhat Ukraine nunau pawl cu an beidong tuk ruangah anmah le mah an thataw.

Ukraine president in, “Russia ralkap pawlin nunau pawl pawngsualnak hi ralthuam pakhat ah an hmang” a ti. Bucha khua khalah Russia ralkap pawlin Ukraine nunau 25 an hrentang ih innkhan sungah an khum, nunau pawl cu kum 14 ihsin kum 25 mi an si. Thlakhat lenglo an sualpi hnuah nunau 9 in nau an pai.

Russia ralkap 24 mi Alexei in naute a pawngsual ih video in a zukaw, a video cu a rualpi pawl a hmuh hnuah an pule pawlin an kai ih Russia ram ah an kuat tlung. Mipa nauhak kum 11 mi khal Russia ralkap pawlin hringtu a nui hmuh laiah an sualpi, a nu cu tokham ah an tawnbet ih a fapa an sualpi lai cu an zohter.

Russia ralkap pawlin an pawngsualmi lakah pitar kum 78 mi khal a tel. Kyiv khawpi ih um nunau kum 50 mi in, “Kan inn ah Russia ralkap pawl an ra ih meithal in in tin, ralkap pakhat in in hruaisuak ih na kor phelhaw in ti.

Ka phelh lo asilen in kap that tum, kor ka phelh ih in sualpi. Cumi hnuah inn ah ka va tlung ih ka pasal cu thicia in ka hmu. A pum ah meithal in an kap, kan thilri bungrua pawl khal in laksak” tin a riahsiat thu cu Daily Mail thuthang hnenah a sim thei.

Be the first to comment

Leave a Reply

Your email address will not be published.


*