Russia Ralkap Pawl Kaihruaitu Ralbawi Picang An Kap That

Kum 47 mi Major General Andrey cu Russia ralkap pawl kaihruaitu ralbawi picang a si, Ukraine ram siimnak ah Russia ralkap pawl a kaihruai. Hmun dangdang doawknak tualrawn ah arak tel ṭheu ih amai kaihruainak zarah nehnak an co ṭheu.

Russia cozah in miralṭha tin cawimawinak capi an pe. Asinan, Ukraine ram an va siimnak ah sniper in an rak kap that. Russia cozah in offcial in a thih thu hi an phuang hrih lo nan a hnaṭuanpi ralbawi in March 2, 2022 ah a thih thu a phuang ih zarhteni ah an vuiliam tum.

Russia le Ukraine thuthang tinkim ah a thih thu hi an tarlang cece zo ih Russia ralkap pawl ih tumdan vekin thil a feh lo an ti.

Tuitiang an doawknak ah Russia cozah in an ralkap 498 an thih thu le hliamtuar 1,600 zat an um thu an phuang nan Ukraine cozah in Russia ralkap 9,000 hrawng an thi zo tin thu an phuang ve, Ukraine cozah in doawknak aum rero lai ruangah mithi le hliamtuar cazin hi felfai in an theithei hrih lo thu khal an langter cih.

Be the first to comment

Leave a Reply

Your email address will not be published.


*