Russia Ralkap Pawlin Tikulh Pakhat An Kulh Thluh, Tikulh Kiltu Ukraine Ralkap 13 Cu Peaw Dingin An Fial Nan An Duh Lo

February 24, 2022 zing ah Russia ralkap pawlin Ukraine ram an siim. Odessa tipi parih um Snake Island tikulh cu Ukraine ram ta a si, himi tikulh cu an hmang tangkai zet ih an ram ihsin lut/suak lawng pawl khal an hmu thluh thei. An sumdawngnak hmun pakhat khal a si.

Russia lawng ralkap tam zetin himi tikhulh cu an va kulh thluh, longspeaker in, “Russia ralkap pawl kan si, nan ralthuam ret uhla thisen suahnak le thihhlohnak a thleng lo ding. Nan ralthuam nan ret lo asilen kan lo bomb darh thluh ding” tin an hringhro.

Tikulh kiltu Ukraine ralkap pawlin, “Russia ralkap pawl, va lu’aw uh!” (Go f~k yourselves!) an ti. Russia ralkap pawl cu an thinheng tuk ih an kapaw ciamco hnuah tikulh kiltu Ukraine ralkap 13 in ram le miphun hrangah an nunnak an hlan.

Be the first to comment

Leave a Reply

Your email address will not be published.


*