Siatnak Rapthlak Zet An Tong

Russia ralkap pawlin Ukraine ram la dingin an va siim ciamco nan tuini tiang an la thei hrih lo, an duh vekin an cangvai thei lo ih mithi le hliamtuar an tam zet. March 8 ah UDD in Russia ralkap 2,000-4,000 karlak an thi zo tin an tarlang.

Ukraine mipi pawl khal sahimnak hawlin hmun dangdang ah an tlan. Tu’ah Russia ralkap pawlin siatnak rapthlak zet an tong thok, cumi cu vur a tla ciamco ih khua a dai tuk ruangah Russia ralkap pawl cu duh vekin an cangvai thei lo.

Russia ralkap pakhat khal khuadai in a hmetthat zo, khua a dai tuk ruangah an motor engines khal a nung lohli thei lo ih an ti hlum ta a áš­ul. Mak zetin kumdang aiin Ukraine ram hi khua a dai sawn ih 10C’ a thleng, khuadai lam hi 20C’ tiang a thleng ding ti an zum.

Ukraine ram boruak umtudan zingzoitu Ben Barry in, “Russia ralkap pawlin hitin khua a dai tuk ding ti an theicia lo ruangah buainak an tong. Ukraine mipi pawl khalin khuadaih tuk ruangah harsatnak phunphun an tong ve” a ti.

Be the first to comment

Leave a Reply

Your email address will not be published.


*