Russia Tlawngta In Tlawnginn Sungah Mi A Kap Ciamco Ih 6 An Thi

Russia, Perm State University sungah tlawngta pakhat cu meithal le nam kengin tlawnginn sungah a lut ih a hmuhhmuh cu a kap vivo. Tlawngta 6 a kap that ih hliamtuar khal an tam zet, į¹­henkhat thuthang ahcun mithi 8 an um tin an tarlang.

Tlawngta le zirhtu pawl cu tlawnginn sungah an kharhkhum aw, į¹­henkhat cu an au ciamco ih sangkate ihsin an dawp tla tupto. Zuknung sung vek rori an si, police pawl an va thleng ih police pawl thawn an kapawk hnuah dam in an kai ngah.

Ziangruangah hitin mi a kap that ti cu an theifiang hrih lo ih an zingzoi vivo ding. Amah hi ramkhel thuhla le sakhua lam ih cangvai cu a si lo, hi thil a thleng hlanah “Huatnak in ka khat thluh ih mi tuahmawh ka cak tuk, kumkhat sung mi tuahmawh dingin ka rak hngak zo. Ka sunmang ara thleng” tin online parah a tarlang.

September 20, 2021 zinglam nazi 11:00 hrawng ih thilthleng a si. Russia President Vladimir Putin in, “Kan riahsia tuk, lusun innsang lawng a si lo. Kan rampi in kan riah a sia” a ti. (#BBC)

Be the first to comment

Leave a Reply

Your email address will not be published.


*