S.Korea Ah ‘Zianghman Tuah Lo’ Zuamawknak An Tuah, Covid-19 Thlisia Hrang Lakah A Thupi Zetin An Ruat

South Korea, Jeju tikulh ah ‘zianghman tuah lo’ zuamawknak an tuah ih zuam awtu minung khal an hnihthum zet.

Tulai Covid-19 thlisia hrang le rambuainak thuhla pawl ruangah himi zuamawknak cu a thupi zetin an ruat, minute 90 sung an zuamaw ih zianghman tuah loin daiten an to ringring.

Thu khal an ruat lo ih thinlung hahdamten an umter, 2014 kum ihsin an rak tuah thok zo ih a sersuaktu cu artist hminthang Woopsyang a si. Thinlung le taksa daiten um theithei cu pakhatnak an ngah ih laksawng khal ṭha zet an pe, pahnihnak le pathumnak khal an um.

Nikum 2020 ahcun Covid-19 ruangah online in an rak tuah, tuikum 2021 ahcun ramlak ah an va tuah thei sal ih a hmin ah Space Out Competition ti a si. (Zianghman tuah lo ih um phahphah hi thinlung le taksa hrangah a ṭha, nikhat sung phone tham lo, social media hmang loin um caan nei awla na hlawk phah zet ding)

Be the first to comment

Leave a Reply

Your email address will not be published.


*