Sa Zuartu In, “Hanghnah Hangrah Ei Pawlin Nitinten Sualnak Nei Lo Thingkung, Thinghnah Pawl An Hau / Khiak Ringring. Sa Ei Sawn Uh” Tin Ca A Tar

UK, Bruntsfield khawpi ih um sa zuarnak dawrpi pakhat hmaiah ca danglam zet an tar ih online mipi pawl cu an el’aw ciamco. Leitlun ah sa ei le sa ei lo lawlaw vegetarians tin miphun pahnih kan um.

Hanghnah hangrah lawng ei pawlin, ‘Ramsa, rannung hi that nawn lo hlah uh, nunnak hi a hlu tuk’ an ti ṭheu. Sa zuartu Christie Butchers in an dawr hmaiah, “Hanghnah hnangrah lawng ei pawlin nitinten sualnak nei lo thingkung pawl an hau / khiak ringring. Tualthatnak hi bansan uhla sa ei sawn uh” tin a tarlang.

Hanghnah hangrah lawng ei pawlin, “Thingkung / hanghnah le ramsa hi an bangaw lo. Ramsa cu minung vek an si ih lungawinak le thinhennak an nei ve” an ti.

Sa ei pawlin, “Thingkung pawl khal minung vek an si, an lungawi thei ih leitlun nuamnak khal an tep ve thei. Thingkung nan hau / khiak tikah an ṭap ve ṭheu nan kan hmu thei lo men” an ti. (#Ziangasikhallen thinlung thiangten ziangkim ei thluh ding, soisel awknak ding zianghman aum lo)

Be the first to comment

Leave a Reply

Your email address will not be published.


*