“Sahimnak Hawl Ih Umnak Neilo, Tlannak Ding Neilo Nan Um Asilen Kan Inn Ah Kan Um Tlang Ding, A Umum Kan Ei Tlang Mei Ding” (LHH)

Kalaymyo ramsung kahawknak ah khua ṭhenkhat cu mipi in an suahsan ih umnak ding hawlin an vakvai. Cuvek dinhmun kan thleng laiah Salai Lal Henry Hlu in “Sahimnak hawl ih umnak neilo, tlannak ding neilo nan um asile kan inn ah kan um tlan ding.

Sungkuaza khalin a ngah. A umum kan ei tlang mei ding. Poimawh thilthiar tul, fehnak neilo hrang khal kan mawtaw siate a um. Bawmawk țulnak ah kan ready ringring” tin a tarlang.

Salai Lal Henry Hlu hi mi tlawmngai le mi taima zet a si ih a theitawk ih mipi hrang cangvai ṭheutu a si. An motor khal Kalaymyo kiangkap ah thilri thiarnak le damlo bese phurnak ah alakin an tiar’aw (ready) ringring.

Saya James Mang in, “Ṭih phannak le raltlan ruangih beunak inn le pan ding nei lo kan um pang le mi 120-150 tiang um theinak Letpanchaung le Phulmawi khua ah kan ready. Ti le rawl khal ready cia si, phone number 09425020224” tin a facebook cahmai ah a tarlang.

Be the first to comment

Leave a Reply

Your email address will not be published.


*