Sai Rual In Banhla Hmuan Ih Banhla Kung Zaten An Siatsuah Thluh, Vate Bu Umnak Banhla Kung Lawng An Siatsuah Lo

Tamil Nadu, Vilamundi Forest sungah sai rual an um, sai rual 5 cu minung umnak lamah an va feh ih banhla hmuan sungah an lut. Krishnasamy tei banhla hmuan sungah an lut ih an banhla kung 300 lenglo an nuai siat thluh.

A thaizing ah an va zoh ih an banhla kung pawl cu an kiak, an rak tlu hnenhnen. Asinan, danglam zetin banhla kung pakhat lawng siatsuah loin aum, sai pawlin a dai khal an dai lo.

Cumi banhlan kung parah cun vate in bu a sak ih fate anei pekte ti an hmu cu an mangbang tuk. Tualsung thuthang picang Thanthi TV khalin an thuhla cu a tarlang.

IFS officer in “Hi ruangah si sai cu an tum zet nan an zaidam an tinak cu. Banhla kung zaten an siatsuah ih vate fano umnak lawng an siatsuah lo. Pathian ih kutthiamnak khal a si” a ti.

Mipi in mak an tiih “Minung aiin ramsa pawlin zawnruahnak an nei tam sawn, ramsa in minung hnen ih thil zir ding aiin minung in ramsa hnen ih thilzir ding kan nei tam sawn’ an ti.

Be the first to comment

Leave a Reply

Your email address will not be published.


*