Sai Sual Ruangah PDF 2 An Thi

Myanmar ramasung buainak ruangah khuasung mi tam zet cu ramlakah an tlanlut ih sahimnak an hawl. Tualsung mipi kilhimtu PDF pawl khal ramlak, tupi sungah umhmun an va khuar ih ramsa sual phunphun an tong ṭheu.

Tanintharyi, Palaw ramsung ih um PDF pawl cu sai sual ruangah hnangamten an um thei lo. PDF ṭuanvo neitu in, “Sai sual cu pakhat lawng a si, asinan himi sai sual ruangah mi pahnih an thi zo. Sai sual ruangah ramlak ih vah suakso khal kan lau thluh” a ti.

Khuami upa pakhat in, “A hlan ahcun sai fim zet a si. Asinan ramlak ah a tlanlut ih kan hawl hmu thei nawn lo. Ramlak ah aum ringring ih tu’ahcun a sual tuk zo” a ti. Himi ramsung cu KNU ih hmunram a si ih PDF tatzin (4), tatzin (2) le Palaw PDF pawl umhmun an khuar.

PRDF hruaitu in, “Sai sual hi ramlak ah a vahkual rero, kan thiarawk tik khalah meithal keng a ṭul ringring. Sai sual ih palthatmi ruak zoh tikah a awl lo, a rapthlak tuk. Zan khalah ṭhaten kan itthat thei lo” a ti.

Be the first to comment

Leave a Reply

Your email address will not be published.


*