Sai (Vui) Sual In Mipi Kilhimtu Sakhan An Nuai Siat

Myanmar rampi a ṭha theinak dingah tin mino tam zet cu ramlak ah an lut ih meithal an keng. An umnak hmun ah rul cuk le khuamual kaikuang ih hen khal an tuar ṭheu. Karen PDF pawl umnak sakhan cu sai (vui) sual in an nuai ciamco ih an sakhan sungih an ret ṭhami siivai le ei le in pawl cu a siatdarh thluh.

PDF in “Thlakhat sungah sai/vui sual in kan sakhan hi veithum rori an ra nuai siat zo. Mizan ih an ra nuai siatdan cu a rapthlak tuk, harsa zetin thlakhat lenglo sakhan kan tuah mi cu camkhat sungah an ra nuai siat thluh. Sakhan sungih kan ret ṭha mi siivai, fang dip 20 lenglo le kan bungbel pawl an siatsuah thluh.

Tu khalah an tlan hrih lo, kan sakhan kiangah an herkual rero lai. Meithal khalin kan kap ngam lo, meithal kah hi an ṭih lo lawlaw. Meithal awn an theih asilen in ra pan sawn, curuangah sai pawl hi kan hmuh veten kan tlan ṭheu.

Mizan cu sakhan ah zohman kan rak um lo ih a ziaum, rak um sehla cun thil poi zet a thleng men ding. Tulai hi bumawknak a tamtuk ruangah mipi hnen khalah bawmnak kan dillo laitak a si, sumpai nei lo laiah hivek thil kan tong bet cu a buaithlak ve zet. Ziangkhal lolen an (sai, vui) ramsungah kan va um ti kan theiaw” tin an tarlang.

Be the first to comment

Leave a Reply

Your email address will not be published.


*