Sairang Tiva Ah Ni 2 Ah Mi Pahnih An Pil That

Mizoram, Sairang Tlawng lui ah ni 2 ah mi pahnih an pil that, an pil thatnak hmun khal a bangaw. Mani April 1, 2022 zanlam nazi 4:00 hrawngah Sairang venglai ih um nauhak kum 10 mi Vanlalduata cu Sairang Tlawng lui ah a pil that.

Vanlalduata hi Aizawl ihsin ra tlawng an sungkhat pawl thawn nuamaw dingin tiva ah an va feh, simlam ah a hmel an hmu lo ruangah an hawl. Tlawng lui ah a feh dah lo ruangah tiva ah a tla si ding tin tiva hnuailam ah an hawl nan tidai a nawi deuh zo ruangah an hmu lo.

A thuhla thei in Sairang le Sihhmui lam ih mi tlawmngai pawlin an va hawl bawm ih simlam nazi 5:30 hrawngah a ruang an hmu. Tuisun April 2, 2022 zanlam nazi 4:00 hrawngah tlangval kum 23 mi Immanuel Lalawmpuia cu hitawk hmun thotho ah cansualnak a tong.

Immanuel Lalawmpuia hi Mualpheng khuami a si ih tu’ah Aizawl, College veng ah an um. Vanduainak tong an um ti an theih veten Sairang le Sairang Sihhmui mi tlawmngai pawlin ruang an hawl ih zanlam nazi 5:30 hrawngah ruang an hmu. Sairang YMA hruaitu in, “Lalawmpuia hi T. Romana college kailai a si, a rualpi pawl thawn nuamaw dingin Sairang Tlawng lui ah an feh ih vanduainak an tong.

Tuisun ih vanduai an tonnak hmun thotho ah mani April 1 simlam ah Sairang nauhak Vanlalduata ih cansualnak hmun a si. A hmun kel ah nizawn in nunnak hlu zet can a si cu a vanduai thlak tuk aw” a ti. Lalawmpuia ruang cu Sairang Police station ah lak a si ih, Sihhmui Br YMA in kuang an tumsak, Sairang Br YMA in caanserh an hmang hnuah an thlah ding. (#Mizo Special Report)

Be the first to comment

Leave a Reply

Your email address will not be published.


*