Sakhua Danglam, An Khawm Laiah Zu Le Sa An Ei Ciamco, Zu In Cu Lennak An Ti

Thailand, Maha Sarakham province ah sakhua danglam zet aum. Khawmnak hmun ah zu le sa, beer an in ciamco. Zu le sa an ei laiah puithiam a vakkual ih thlacam phah uh’ a ti.

TikTok ah an khawm lai video cu an tarlang ih, “Lian na duh asilen ra ve uh. Himi khawmnak in vanṭhanak a lo pe ding. Khawm laiah zu in cawl hlah, beer in cu sui le ngun ngahnak a si. Zu in cu lennak a si. Na in tam asilen sumpai na ngah tam deuhdeuh ding” tin an tarlang.

Leitlun hmun dangdang ihsin puithiam tong dingin an va feh ṭheu, nikhat ah minung 50 lawng lut siang a si ruangah puithiam hi an tong duh asilen appointment an lak hmaisat a ṭul.

Puithiam Phra Ajarn Kampee in, “Buddhist sakhua sirhsan ih din ka si lo, mi ropi pawl zirhnak ihsin ka zirsuah mi a si. Ka hnen ih ra mi tampi cu hlawhtlinnak an hmu ih an ra kirsal ṭheu. Zu in lawng hi lennak a si lo, hnaṭuan taimak khal a ṭul. Mipi hnenah sumpai ka dil dah lo nan mi tampi in sumpai an ra hlu ciamco. In soiseltu pawl, nan zumlo asilen ra ve uhla nan thei mai ding” a ti.

Be the first to comment

Leave a Reply

Your email address will not be published.


*