Sakhua Saya Thicia In An Sar, A Kut Pahnih An Rak Tawnbet

Shan State, Kutkai Township, ahmat 5 ih um sakhua saya cu June 18 ihsin a hlo, an hawl rero nan an hmu thei nawn lo. Tuisun 21 zinglam nazi 10:00 hrawngah cawkhal nauhak pawlin ramlak ah a ruang an hmu.

A kut pahnih in an rak tawnbet lai ih a ruang cu a sia zet zo. An sungkhat in “Ka pate a si, a hmin cu Zaw Lum a si. Sakhua saya á¹­uanlai khal a si, June 18 zanlam nazi 3:00 hrawngah bike thawn a suak ih a hlo lanta.

A thih hnu khalah a kut an tawnbet lai, tuizing lawngah a ruang kan hmu. A lu ah meithal kahnak hliam a tuar, a taksa zaten ah an vuak velhnak hliamhma a tuar” a ti.

A ruang kiangih um lukhum le a hruhmi hnipuan cu Zaw Lum ih hnipuan a si lo tin a innsang pawlin an rel. “An that lai mithmutu an um lo ruangah zo in an that ti cu kan thei lo, kan zingzoi rero lai. Ral khal anei lo ih san le vang um lo ih an that cu ralkap pawl an si ko ding” tin vengsung mi pakhat in a rel.

Be the first to comment

Leave a Reply

Your email address will not be published.


*