Salai Sun Ceu Suahsemnak Locom Khua Ah Ralkap Pawlin Umhmun An Khuar, Khuasung Mipi Cu Ramlak Ah An Tlan

Myanmar ram thuneihnak latu ralkap pawl cu Chin ramsung ah umhmun an khuar vivo, Chinram an fangkual vivo ih khausung mipi pawl an hnaihnok. An ran vulhmi an thahsak ih an duhduh thilri an lonsak áš­heu.

Tuizing June 28 zinglam nazi 11:00 hrawngah ralkap 50 hrawng cu Falam peng, Locom khua ah an va thleng ih tlawnginn ah umhmun an khuar.

Locom khua cu Myanmar ramsung ih hlasakthiam hminthang Salai Sun Ceu ih suahsemnak khua a si. Hitin ralkap pawlin umhmun an khuar ruangah Locom mipi le a kiangkap khua 6 cu thlaphang in an um ih ramlakah an tlan.

Innsang 150 hrawng cu ramlak ah an tlan ti a si. Ralkap pawl cu Var sakhan ihsin poksuak an si ih Var sakhan ah ralkap 20 hrawng lawng an tang.

Be the first to comment

Leave a Reply

Your email address will not be published.


*