Sanmyo Tlawnginn A Kang

May 28, 2022 zan ah Kalaymyo, Tahan vengsung ah tualsung mipi ralkap tangtlang le ralhrang pawl an kapaw ciamco. Ralhrang 4 an thi ih 8 in hliamhma nasa zet an tuar. Ralhrang pawlin pukpi le meithal an kap ciamco ruangah tualsung mi 3 an thi ih hliamtuar khal an um.

Zanlam nazi 5:30 ihsin an kapaw thok ih zan nazi 8:00 hrawng tiang an kap. Mipi ralkap lamah khawngaw ngah an um lo ih an kirsal. Himi zan ah Sanmyo, No. (8) Basic Education High School a kang.

Tualsung mi in, “Zinglam nazi 1:00 hrawngah အ.ထ.က (၈) tlawnginn a kang. Building 2 a kangral, lenglam ihsin an urkang mi a si. Nauhak pawl tlawngkai dingin hmin an peaw rero laiah tlawnginn a kangsiat, nauhak fimthiamnak hrangah a poi tuk” a ti. Zo pawlin Sanmyo tlawnginn an urkang ti cu theih a si hrih lo.

Be the first to comment

Leave a Reply

Your email address will not be published.


*