Saphai In Ar 10 A Deh Ih A Tlan Thei Nawn Lo

Thailand, Ang Thong khua te ah saphai sual zet aum, khuasung ar le rannung pawl a deh ṭheu ih an kai thei dah lo. Asinan, April 19 zing ahcun awlsam zetin an kai ngah.

Zanṭim laiah khuasung ah a lut ih ar 10 a dawlh thluh, arpi 8 le ar fate 2 a deh. A pum a puar tuk ruangah ar-inn sungah a itthat lanta. A thaizing ah inn neitu in an ar-inn ava zoh ih saphai tum zet itthat lai a hmu cu a lau tuk.

Tualsung sakaih thiam pawl a ko lohli ih awlsam zetin an kai. Sakaih thiam in, “Saphai metre 4 ih tum cu kaih an har thei zet, tuiṭum ih saphai cu a duhham tuk ruangah harsatnak um loin kan kai thei.

Ar 10 a dawlh ih a pumpuar tuk ruangah a tlan thei nawn lo, a itthat lanta. Khua thawn a hlatnak hmun ramlak ah kan va thlahsal” a ti.

Be the first to comment

Leave a Reply

Your email address will not be published.


*