Saphai Tumpi Thawn An Sualaw

October 4, 2017 kum ih thilthleng a si. Indonesia, Riau Province, Hulu Regency ramsung ah saphai tumpi, sual zet arak um.

An vok le ar pawl a deh ṭheu ih nauhak pawl khal anmahten an tlangleng ngam tuk nawn lo, an khuasung mipi pawl cu thlaphang in an um ringring.

Tlaikhat cu ungti hmuan kiltu kum 37 mi Robert Nababan cu innlam ah a tlung, lamzin ah minung 2 a tong ih tiva kap ah saphai tumpi an hmuh ruangah an tlun ngam nawn lo thu an rak sim.

Robert Nababan cu a feh lan vivo ih saphai thawn an tongaw thutthi, saphai in a ngerh vutvi. Robert Nababan khalin a tha neih hmuah suah in a sual ciamco ih saphai in a keu. Asinan, Robert Nababan in sung pek a tum lo ih a sual vivo hnuah a neh thei, cau zet ih aum lai cu mi ṭhenkhat in an va hmu ih siizung ah an tlanpi hngal.

Saphai ih keunak ruangah hliamhma nazet a tuar, ziangtin saphai a neh thei ti cu an thei lo ih mipi in mak an ti tuk. A that mi saphai cu feet 23 ih sau a si, leitlun ih saphai saubik Guinness World record ih an ngankhum mi saphai cu feet 25-2ins in a sau.

Be the first to comment

Leave a Reply

Your email address will not be published.


*