Savom Vulhtu Cu Savom In An Keu That

Bago, Taungoo Township, ahmat (1) vengsung ih um savom vulhtu U Aung cu tuizing April 7 zingpit nazi 3:00 hrawngah a vulhmi savom pahnih in an keu that.

U Aung cu Myint Mo Nang Restauran neitu khal a si. Taungoo mibawmtu pawlkom in, “A nupi in bawmnak dilin in phone ih a hmun kan va thlen tikah cun arak thi zo, savom pahnih kehram ah thicia in aum” a ti.

U Aung cu pacang note a si, kum 8 liamcia ihsin savom arak vulh zo. An inn ah savom 6 a vulh. Mibawmtu in, “Savom pahnih cu an sual a suak, ruak khal kan la lohli thei lo.

Curuangah meithal in an lu ah kan kap that lawlaw” a ti. U Aung cu ramsa, rannung duhdawt zettu a si ih tualsung uico humhimnak pawlkom khalah kaihruaitu a si.

Be the first to comment

Leave a Reply

Your email address will not be published.


*