Sayama Yi Yi Khine Ih Caan Netabik

Kalaymyo, ȚatOothida veng ih um CDM tlawng sayama Nu Yi Yi Khine @ Tem Boih cu February 1, 2022 zinglam nazi 8 le 9 karlak hrawngah ralhrang pawlin an kap that.

A ruak cu tuisun February 2, 2022 sun nazi 3:00 ah Kalaymyo thlanmual ah an vuiliam. Mual liamtu tlawng sayama Yi Yi Khine in a duhdawtmi a pasal le a fale pawl mual a liamsan.

February 1 zing nazi 8:30 hrawngah siizung ih um a nu damlo hnenah ava feh ih siivai a pe, a tlunlam ah ralhrang pawlin an rak kap ih a pum ah an kap ngah. Siikhan ah an tuamhlawm nan sundir hrawngah a hliamhma tuar nawn loin mual a liam.

Tualsung mi pakhat in, “A tluk pekte ahcun thil ziangkim a thei thluh lai. A phone number le aumnak inn khal a rel thei ih bawmnak a dil, kiangkap ih um pawlin inn lam an phone sak. Asinan a nunnak cu an run man nawn lo, a pum ah an kap ngah ih cerek mu a tlang” a ti.

Be the first to comment

Leave a Reply

Your email address will not be published.


*