Scarlett Johansson Thawn An Bangawk Tuk Ruangah A Hngerteu

Fala kum 25 mi Kate Shumskaya cu zuknung khawvel ih hminthang Scarlett Johansson (kum 37) thawn an bangawk tuk ruangah mipi in an theihsual ṭheu. Kate hi a taksa zianghman a tuahaw lo, a pianphung vek ih um a si ih Scarlett Johansson thawn an bangaw tuk.

A tlawngkai laiah a rualpi pawlin Scarlett ih zuk an hmuh ih amah khalin a theithiam aw lo, amah ah a ruataw nan ziangtik caan ah a zukaw ti cu a theiaw lo. Scarlett thawn an bangawk tuk ruangah Scarlett aiawh in zuknung sungah a tel ṭheu, Scarlett ih cangvaih ngamlonak hmun ah Kate Shumskaya in a cangvaih sak.

Kate Shumskaya cu leitlun lemcan thiam thawn an bangawk tuk ruangah an bangawknak cu eihawlnak ah a hmang. Kate Shumskaya in, “Midang hringnun vek ih um ka duh lo, midang vekih um ka tum lo. Zuknung sungah Scarlett aiawh in lem ka cang duak men, Scarlett umdan zinghman ka cawng lo ih keimai umdan in ka um.

Mipi in Scarlett ah in ruat ṭheu ih amah vekin in be ṭheu ruangah ka hngerteu tuk. Scarlett ka si lo, ka hmin cu Ekaterina Shumskaya a si” tin media hnenah a sim thei. Scarlett aiawh in zuknung sungah a lang ṭheu ih sumpai tam zet a ngah, online sung ihsin sumpai a ngah ṭheu.

Be the first to comment

Leave a Reply

Your email address will not be published.


*