Scotland Biakinn Ah Mipa Le Mipa, Nunau Le Nunau Kutsih An Siang Thlang Ding

The Church of Scotland General Assembly in biakinn sungah mipa le mipa, nunau le nunau kutsihnak thuhla cu kum reipi sung an rak buaipi rero ih May 23, 2022 ah nei dingin an cohlang. Vote 274 in nehnak an co ih vote 136 in an duh lo.

Ahlan ih an daan le dun ahcun, “The Church of Scotland ih kutsihnak cu Pathian hmai le zumtu pawl hmaiah nei ding a si. Tetti pahnih an um dingih kutsihtu pahnih cu an damsung nupi le pasal an si kumkhua ding. Rawngbawltu in nupi le pasal si dingin kut a sihsak ding” ti aum.

Tu’ahcun nupi le pasal timi ṭongfang aum nawn lo dingih mi pahnih cu pumkhat an si tin kutsihnak ah an hmang thlang ding. Biakinn 29 in an cohlang ih biakinn 12 in an dodal. Biakinn hmin tarlang lo pahnih in, “Himi cu Pathian thu thawn a kalhaw, Bible zirhnak thawn a kalhaw a si” an ti.

A duhtu pawlin, “Sinak bangaw LGBT Christians pawlin biakinn ah minung an cohlang lo an ti ṭheu. Biakinn cu zovek mi khal cohlang ding a si” an ti ve.

Biakinn ṭhenkhat ahcun rawngbawltu pawlin sinak bangaw kutsihsak an tum cuang lo, himi an daan le dun thar cu biakinn zaten ah tuah tengteng ding a si tin an ngankhum lo. A duhtu in an tuah dingih a duhlotu in an tuah lo ding.

Be the first to comment

Leave a Reply

Your email address will not be published.


*