September 7 Zan Ah Ralkap Pawlin Meithal An Kap Ciamco, Nauhak Kum 8 Mi Cu A Tlannak Lamah Motor In A Pah Ngah Ih A Thi

September 7, 2021 sun ah NUG cozah in rampum huap raldo ding thu a phuang, cumi hnu ihsin ramsung kahawknak cu a nasa sinsin.

Zan nazi 7:00 hrawngah Kayah State, Demoso palik sakhan kiangah ralkap pawlin meithal le bomb an kap ciamco, tualsung mipi pawlin an ṭih tuk ruangah hmun dangdang ah an tlan.

Cutin an tlannak ah nauhak kum 8 mi cu bike le motor an pahawknak ah hliamhma nazet a tuar ih a hmun ah a thi cih. Khuasung mi pakhat in “Demoso palik sakhan kiangah meithal le bomb puak awn an theih ruangah mipi cu thlaphang in an um ih an tlan ciamco.

Zan nazi 7 luan ah bike le motor an pahaw ih nauhak kum 8 mi a thi, pakhat khal hliam nazet a tuar. Mithi cu DawNangKha No. 2 veng sungih um U Sa Kamo ih fanu Ma Ka Zinta a si” a ti. Kayah ramsung ah ralkap le mipi kilhimtu pawl an doawk ruangah khuasung minung 84 an thi zo.

Be the first to comment

Leave a Reply

Your email address will not be published.


*