Shan Ralkap Le Mahten Ukawknak Ngah Wa Ralkap Pawl An Kapaw

Shan ramsung ah hriamkai pawlkom picang pahnih cu an kapaw. April 5, 2022 zinglam ah Shan ralkap RCSS/SSA le Wa ralkap UWSA pawl an kapaw ih Shan ralkap 5 an thi, Wa ralkap 1 a thi.

Wa ramsung tin an hminsinnak sungah Shan ralkap 20 hrawng cu meithal kengin an va lut ruangah ramri lan tin an kapaw thu Wa ralkap hotu U Nyi Yan in a Facebook cahmai ah a tarlang.

U Nyi Yan in, “Kan naule pawlin ṭhaten an rak bia nan RCSS pawlin an kap thutthi ruangah kan ralkap pakhat a thi ih pahnih in hliamhma an tuar. Hmunram thianfainak tin kan kap ve ih RCSS ralkap 5 an thi, an meithal zun 6 khal kan laksak” a ti.

February 5 khalah Wa ramsung ah Shan ralkap pawl an va lut ih sniper in Wa ralkap pakhat an kap that. Cumi ṭum ah reilote sung an kapaw, Wa ralkap UWSA in ralthuam kimcang thawn thunrulnak zianghman kan tuah lo tin an tarlang lo.

Be the first to comment

Leave a Reply

Your email address will not be published.


*