Shan Ram Ah Suamhmang 6 An Kai

Covid-19 thlisia a veithumnak in Myanmar ramsung arak nuai ciamco zo, cun ralkap pawlin mipi inn le lo siatsuah in an nuai ciamco. Cumi lakah misual le suamhmang khal an pung deuhdeuh.

Shan ram, Manpyin khua kiang Kutkai-Theinni lamzinpi ah misual suamhmang pawl an um. September 30 zan nazi 7:00 hrawngah Kutkai khua lam ih caw zuar pahnih cu an tlun lamah suamhmang pawlin an rak rok.

Khuami pahnih cun khuasung mi an phone lohli ih bawmnak an dil, khuasung mipi pawl cu an va tlan hngal ih suamhmang pawl cu an hawl hnuah an kai ngah thei.

An hotu bik cu arak tlansuak man, an kaihmi 6 cu khua ah zankhat an riakter hnu tuizing October 1 ah Kutkai palik sakhan ah an va ap.

Be the first to comment

Leave a Reply

Your email address will not be published.


*