Shwe Yupar Oo Cu Thihnak Vangcungmi An Ti Ruangah Fake Account In An Mualpho Ter Thu Simfiangnak Anei

Myanmar mintami Shwe Yupar Oo (Lily) cu milar hminthang pakhat a si, amah hi ralkap lamtang a si. Shwe Yupar Oo in “Ka pule pawl khal ralkap hlir an rak si, ralkap innsang ih thanglian ka si vekin ralkap lamtang ka si” a ti.

Lamzawhnak khalah mipi lamah tel loin ralkap lam lamzawhnak ah arak tel ṭheu ih duty tu ralkap pawl hnen khalah ei le in ding a zem ṭheu. Cuvek dinhmun ih aum ruangah a facebook cu thlakhat lenglo phitsak a tong.

Online parih a cangvaih thei lo sungah a hmin in facebook lem an rak tuah ih “A upa ralkap cu doawlnak tualrawn ah a thih thu pawl an tarlang. Tulai ahcun amai facebook ngai aiin a lem an tuah mi hi a lar sawn riangri.

Cun, a zukpi mi ralkap pawl cu doawknak tualrawn ah an va thi cingcing ruangah Shwe Yupar Oo cu thihnak vancungmi a si ding tin an tarlang. Cupawl cu Shwe Yupar Oo in September 1 sun ah simfiangnak anei ih a hmin in fake account an tuah thu pawl a ngan.

“Midang thih ding duhsaktu pawl cu thlisia aveithumnak hrang laiah mual an liam ti kan rak hmu zo. Mi thurelmi a dik le diklo khal zingzoi ta lo ih rak zum ih relsiatu pawl ka lo zangfah tuk aw.

Himi ka zukpimi 2 cu khawpi sungah damcak zetin an duty rero lai, in huatnak thuhla an nganmi pawl ruangah ka hnihsuak tuk. Nan thlacam mi a kim lo cu ka lo zangfah tuk, keimah thawn a pehtlaihaw mi zaten an him thluh” tin a tarlang.

Be the first to comment

Leave a Reply

Your email address will not be published.


*