Siaha District, Veikhat Ah Fapa Pathum An Nei

Mizoram, Siaha ih um Pu LC.Beimosia le Pi Anny Hlychho tei nupa in February 12, 2022 zan nazi 7:00PM ah fapa duhnung zet pathum an nei. An nupa hi 16.11.2018 ah ECM Local Church Siahatla ah kawhhran daanthianghlim in kutsihnak an nei ih 03.09.2019 ah an fa hmaisabiknak fapa an nei.

Cumi hnu February 12, 2022 zan nazi 7:00PM ah pum’at in fapa pathum an nei thei. A hmaisabik cu 2kgs in a rit, a pahnihnak cu 2.300kgs in a rit ih a pathumnak cu 2.200kgs in a rit. Chanchinthar ah, “Veikhat ah fapa pathum (Triplets), dam zet ih nei cu Zoram hmun dangah an rak um men thei.

Siaha District sungah cun a veikhatnak si in kan thei (Midang an rak um zo asilen thuhran). Pu LC.Beimosia le Pi Anny Hlychho tei nupa kan lo lungawipi tuk. Siizung ihsin dam zetin an suah theinak dingah duhsaknak kan hlan” tin an tarlang.

Be the first to comment

Leave a Reply

Your email address will not be published.


*