Sibawi Lem A Cang Ih Khua Dangdang Ah Nupi A Nei Vivo, Nupi 17 A Nei

India ram ah fala le tlangval an neihawk tikah nunau lam in mipa hnenah sumpai le rothilri pawl an pe sawn. Kum 66 mi pacang hi a hrokhrawl zet. Khua dangdang ah a feh vivo ih nupi 17 a nei, amah cu sibawi picang vekin lem a cang ih nunau pawl cu a bumkual vivo.

A nupi pawl cu cathiam, sinak sang zetzet pawl an si. A nupi lakah tlawng sayama, palik le lawyer khal an um. An neihawk tikah nunau pawlin sumpai an pe hnuah a tlansan ṭheu, ID card lem khal tampi anei.

February 14, Valentine’s Day sun ah tu ih a nupi kum 38 mi in a thuhla cu a theisuak ih palik hnenah a hek, cutin palik pawlin an kai ih a nupi pawlin thubuai an thehlut. Palik bawi in, “A tumtahmi cu an sumpai le an rothilri bungrua pawl a si” a ti.

Cun, tlawngta nauhak pawl khal siivai tlawnginn ah tlawngkaiter dingin arak bum ṭheu ih sumpai tam zet a laksak thu khal an theisuak. Hitin palik pawlin an kaih hnu khalah, “Himi nunau pawl hi ka nei lo, kei cu sibawi ngaingai ka si” a ti.

Be the first to comment

Leave a Reply

Your email address will not be published.


*