Sibawi Pawl Khal An Beidong Zo Nan An Zumnak Ruangah Tluangten Nau An Nei

UK, Skegness khua ih um nupa tuakkhat Leah Bucko le Judah in an fa pahnihnak ding nau an pai, fapa Elijah timi an nei zo. Storehouse Church kawhhran ih lawi an si ih an zumnak khal a hngetkho zet.

An fa pahnihnak ding an pai cu an lungaw tuk, zarh 12 an pai hnuah sibawi pawlin an zohdik ih naute tuamtu tii cu a ṭha lo ruangah pum sungah a thi ding. Zarh 16 khal a nungdam thei lo ding, curuangah naute hi thlak sawn uhla a ṭha ding tin an rak fial.

An nupa cun an beidong zet, Judah in nauthlak cu a duh lo ruangah zumnak in kan hringsuak thei ding a ti. Zarh 16 hnuah an va zohdik sal ih mak zetin naute tuamtu tii cu arak ṭha zo ti an hmu, asinan naute cuap le a thluak hnaṭuan dan a ṭha lo ruangah na pum sungah a thi thotho ding an ti lala.

Cun, a naupai hi thlak sawn dingin sibawi pawlin an fial nan an duh cuang lo. Thlacamnak thawn nau cu an pai vivo ih a pum sungah a thi lo, tluangten nau cu an nei thei ih an lungawi tuk. A hmin ah “Reuben” tin an sak ih a san cu “Ngai hnik uh, fapa a si” tinak a si.

Sibawi pawlin a pum sungah a thi ding ruangah veihnih rori nauthlak dingin an rak fial nan zumnak ruangah tluangten nau an nei thei. An fapa Reuben cu ni 7 sung a nulepa kiangih aum hnuah vanram ah a fehsal, a damlonak ruangah a thi. Hringtu a nu Judah in “Sibawi ih an relmi pawl paltlang in hringnun nieng mawi ara hmu man, reilote sung lawng ka lo cawi man nan kumkhua in ka lo cawi ringring ding. Na hmel duhnung te ka ngai tuk aw” tin a tarlang.

Be the first to comment

Leave a Reply

Your email address will not be published.


*