Sign-board Tumpi Tar In Nupi A Hawl

Texa pathlawi kum 66 mi Jim Bays in online fehtlang in nupi ding arak hawl rero nan a hlawhsam ruangah lamzin kap ah sign-board tumpi tar in nupi a hawl thu a tarlang.

A nupi duhzawng cu mifel miṭha, ṭongkam thiam zet nunau a duh thu a tarlang ih a phone number khal tumpi in a ngan. June thla ah Washington ihsin Central Texas ah umhmun khuar dingin an feh ih lamzin kap ah thilzuarnak sign-board tumpi a hmuh ihsin nupi hawldan ding ruahnak thar anei.

Jim Bays in nupi pahnih arak nei zo ih fate 5 anei, a nupi thawn an ṭhenawk hnuah a fanu hnenah aum. Media in thu an sutnak ah sign-board a tar hnuah nunau 5 thawn an date aw zo nan a duhthusam an si lo thu a sim, phone call cu a dawng tam thei zet.

Jim Bays in, “Kum upat hnu ih nupi hawl cu thilawl a si lo, tlawngkai lai vek a si nawn lo. Tleirawl lai ahcun fala hmuh hi arak awl zet nan upat hnu ahcun a awl nawn lo. Ka caan tanglai mi pawl hmangtlang dingah nunau ṭha zet ka duh” a ti.

Be the first to comment

Leave a Reply

Your email address will not be published.


*