Rukru An Kaihmi Pawl Cu Palik An Tuanter >>>

Ralhrang kuthnuai ih cangvai rerotu palik pawl an mal deuhdeuh ruangah rukru, sii ri an kaihmi pawl cu palik an ṭuanter.

Ralhrang in ramsung thuneihnak an lak hnu ihsin palik lut an um mumal nawn lo ruangah palik luh theinak daan le dun khal an thleng danglam. Fimthiamnak neilo, phun 6 kai ihsin palik luh an siang zo nan lut an um cuang lo.

Palik thawn pehtlaihaw mi pakhat in, “Palik lut an um mumal nawn lo ruangah zan ih an kaihmi pawl cu hringhronak ah palik an ṭuanter, an kaihmi sii ri, rukru pawl cu PDF tin thubuai orhter maw, palik nan ṭuan tin duh an hrilter” a ti.

An kaihmi pawl hi rampi daan vekin an fehter asilen thla 1 ihsin thla 3 tiang thawng an tla thei, asinan ralhrang pawlin an kaihmi pawl cu kum 10 tiang thawng nan tla thei tin an hringhro hnuah palik an ṭuanter.

Palik lut an um nawn lo ruangah khuatin ah palik an mal vivo, palik malnak hmun ih palik bawi pawl cu tlunlam in palik an mal ruangah hremnak phunphun an pe thei. Cumi an ṭih ruangah sii tham, rukru pawl hi palik an ṭuanter a si ding ti zumnak an nei.

Be the first to comment

Leave a Reply

Your email address will not be published.


*