Siizung Ah Mak Zetin Damlo Pawl An Hlo Cingcing

South Korea ramsung ih um Gonjiam Psychiatric Hospital cu siizung danglam zet a si, damlo pawl mak zetin an hlo ṭheu. Cun, damlo an tuamhlawmmi a tam sawn khal an thi, damṭha zo suak zikte pawl khal an suah hlanah an hlo thutthi ṭheu.

Ziangtin an hlo ti khal an theithei lo, curuangah damlo pawl ih innsang in siizung cu taza an cuai. Siizung neitu khal 1990 kum ah ramdang ah a tlanhlo, siizung cu an khar lawlaw ih zohman lut/suak an siang nawn lo.

Leiltun ih siizung ṭihnung bik an timi a si, CNN thuthang khalin leitlun ih siizung rapthlak bik tin an rak tarlang zo. Siizung lam ṭuanvo neitu pawlin sumpai lam an tlaksam ruangah siizung an khar thu an rak phuang ve.

Himi siizung sirhsanmi 2018 kum ah “Gonjiam: Haunted Asylum” timi zuknung movie an tuah ih a hminthang zet. Siizung thing reprep cu cozah lamin zohman lut an siang nawn lo nan a thupten lutthup an um ringring.

Siizung sung umdan pawl cu video in an zuk ih thla khal an hmu ṭheu. Kiangkap ih um pawl khalin khuathim hnuah cun siizung kiangkap ah an va feh ngam nawn lo ih thawmvang mak tuktuk an theih ṭheu thu an rel.

Be the first to comment

Leave a Reply

Your email address will not be published.


*