Siizung Ekinn Sangkate Ah Naute Suak Pek An Thlai That

India, Karnataka cozah siizungpi ekinn sangkate ah nauhak suak pek an thlai that. July 3 sunah siizung sungih hnaṭuantu pawlin naute thlai that mi cu an hmu ih palik pawl an ko.

Naute cu nunau a si ih an thlai hlanah an that ta ding ti an zum. CCTV an zoh ih nunau pakhat cu naute cawi in siizung ekinn lam ih a feh lai an hmu, nunau cu puan in a khuhaw thluh ruangah a hmel an hmufiang thei lo.

Palik pawlin thubuai cu an ngankhum ih naute thlai thattu cu an hawl rero lai. Siizung lamin tu naivai ah naute nei 6 an um ih an zaten an him, an kim an ti.

Naute thlai that mi cu a laihri arak um lai ruangah hmun dang/inn lam ih nau nei an si dingih siizung sungah an ra thlai that a si ding ti an zum.

Be the first to comment

Leave a Reply

Your email address will not be published.


*