Siizung Pakhat Ah Hnaṭuantu (11) Cu Nau An Pai Thluh

Missouri, Liberty Hospital ih hnaṭuantu nurse (10) le siibawi (1) cu nau an pai ih tuikum sungah nau an nei thluh ding. An hnaṭuan mi khal a bangaw thluh. Nau neihnak hmun ih hnaṭuan an si.

Hitin naupai rual hna an ṭuantlang khawm ruangah an siizung cu a hminthang zet. Nurse pahnih cu an nau neihnak ni a bangaw.

Nau nei hmaisabik ding cu May 27 ah a nei ding, netabik nau neitu ding cu Thanksgiving Ni November 24, 2022 ah a nei ding.

Nurse naupai kum 29 mi in, “Hnaṭuannak hmun ka thlen tikah naupai pawl hna kan ṭuantlawng khawm ih a nuam tuk, kan nel’aw thluh ih kan capoh aw ringring. Nau kan nei tikah kan fale pawl khal an komaw thluh ding, an thanglian tlang khawm ding” a ti.

Be the first to comment

Leave a Reply

Your email address will not be published.


*