Siizung Pakhat Ah Nunau Le Mipa An Piang, Kum 27 Hnuah An Hmuaw Ṭhutṭhi Ih An Duhaw Cih, An Neiaw

Taunton, Massachusetts ram ah fala le tlangval tuakkhat cu an duhdawt aw zet ih an neiaw. An neihawk hnuah an suah ni thla, suahnak hmun pawl an simaw cu nikhat ih suak tlang ti an theiaw.

April 28, 1990 ah Morton Hospital sungah an rak suak tlang, himi ni ah an pahnih lawng naute piang an um. Cun, hringtu an nu veve khal reilote an rak biakawk thu an theiaw sal.

An suah veten sibawi pawlin hmunkhat ah an ret tlang lawk ih an tuamhlawm hnuah an nulepa in an la. Cutin, khua dang, ram dang ah an um veve ih kum 27 hnuah an tongaw cu an duhaw cih.

Jessica Bairos in “Ka hmuh veten mi danglam a si ti ka thei, tlangval dang thawn an bangaw lo. A kiangih ka um cun ka hlim thei tuk ih ka hni ringring, zodang khal ka ngai dah lo” a ti.

Media pawlin thu an sutnak ah Aaron Bairos in “Kan suahcam birthday a thlen tinten kan hnihsuak thei tuk. Kan fale hnenah thuanthu sim ding ṭha zet kan neicia” a ti.

Be the first to comment

Leave a Reply

Your email address will not be published.


*