Siizung Um Dingin Zing Nazi 9:00 Ihsin Siizung Leng Tokham Parah A To Ih Zanlam Ahcun A Thi

Nikhat hnu nikhat Myanmar ram dinhmun cu a sia deuhdeuh. Kum upa tarcak lo lawng an thi lo ih mino tete khal an thi rero zo, oxygen haidaih awklonak ruangah nunnak liam an tam zet zo.

Siizung ṭhenkhat ahcun damlo umnak ding ihkhun lawng aum nawn lo ruangah damlo pawl cu an tlungter sal, ṭhenkhat cu siizung lamleng ihsin an hngak.

Nunau pakhat khal Covid-19 in a damlo ruangah siizung ih um dingin a poksuak, inn ihsin a poksuak ahcun amahten a feh thei.

Cutin, zinglam nazi 9:00 ihsin siizung hmai tokham par ahcun a to ringring ih zanlam nazi 5:00 hrawngah cun a thi thutthi ti an thei. An innsang pawl hrangah cun tuarthiam a har zet ding, damcak zetin inn ihsin a poksuak ih siizung hmaiah ava thi mai cu a poi tuk.

Be the first to comment

Leave a Reply

Your email address will not be published.


*