Singapore Hnenum Cu Zanṭim 12:30 Tiang Hna An Hnaṭuanter Hnuah Coka Ah A It, Itthat Thei Loin An Va Tibuai Thotho

Singapore ram ih mi inn hnaṭuan, hnenum pakhat cu a umnak inntek tei in an hmuhsuam thei tuk ruangah a thilton cu online parah a tarlang. A hmin le a sinak pawl cu an tarlang lo nan Ms. S ti lawngin an langter.

Zing nazi 8:00 ihsin hna an ṭuanter ih zanṭim nazi 12:30 tiang hna a ṭuan. Riahnak room khal an pe lo ih coka ah a riak ṭheu, cuti cingin itthat thei loin an tuah ṭheu ruangah a thilton cu online parah a tarlang.

Ms. S in “Hnenum ka si vekin ka tuar tento, zinglam nazi 8:00 ihsin zanṭim nazi 12:30 tiang hna ka ṭuan ṭheu. Zanṭim lai lawngah ka hnaṭuan hi ka theh theifang, coka komkerte ah ka it. Ka it hnuah coka ah an ra lut ciamco ṭheu ih itthat thei loin an cangvai, ziangtin ka tuah ding in sim hram uh. Nan zaten sunṭha leh” tin a tarlang.

Online mipi pawlin “Nikhat ah nazi 9 sung lawng hnaṭuan ding a si. Ziangah coka ah na riak? Hahdamten riahnak room lo pe ding an si, hi cu hmuhsuam awknak a si ruangah Ministry of Manpower (MOM) hnenah report lohli aw” tin an comment. Ms. S in “Agent hnen khalah vei tampi ka sim zo nan san aum lo. Kan ram ah ka tlungsal tum” tin comment ah a reply. (#The Independent Singapore)

Be the first to comment

Leave a Reply

Your email address will not be published.


*