Singapore Hnenum Pakhat A Mualpho

Singapore ram ih hnenum hnaṭuan, Indonesian fala cu a mualpho. A hnaṭuannak room sungah a tlangval arak hruailut ṭheu ruangah a pilepu in tualsung palik hnenah an hek, palik pawlin an thuhla cu an buaipi rero lai ih a pi Ms Wang in, “Midang inntek pawlin hivek thil an tonlonak dingah an ram ah tlunter sehla a ṭhabik ding” a ti.

Inntek kum 32 mi Ms Wang in, “November 2021 ah Indonesia fala cu hnenum hnaṭuan dingah kan la. Kan fale nauhak 3 umpitu dingah le Bukit Timah ih kan inn thianfaitu dingah kan la. Hmundang inn ah kum 2 sung hnenum hna arak ṭuan zo ruangah hmuhtonmi anei zo ih a ṭha zet ding tin kan la.

Zarhthum hrawng cu buainak zianghman kan nei lo, a pangai. Zinglam nazi 6:00 ah a tho ringring ih thawhlam arak tuahcia thluh ṭheu, zingkhat cu a tho thei lo. Nazi 7:00 khalah a hmel kan hmu hrih lo ruangah ka pasal in ava thang tum, a room sangka avun ong ih a kiangah mipa pakhat arak it lai a hmu cu a lau tuk.

Mipa cu bawngbite lawng a hruh, ka pasal in a auh hnuah an tho veve ih palik hnenah thilthleng cu kan sim thei” a ti. Thu an suhnak ah hnenum in zantinten a tlangval cu arak ko ṭheu, a pilepu an itthat hnuah a tlangval cu a room sungah a ko ṭheu thu a phuang. A room sungah naupai lonak siivai khal an hmu, a tlangval hi Bangaldeshi miphun a si.

Be the first to comment

Leave a Reply

Your email address will not be published.


*