Singapore Tlangval In Fala A Kaihrem Ih A Ke Zung Pawl A Liaksak Ciamco

Singapore tlangval kum 24 mi Cheong Jia Jin hi mi danglam zet a si, a cakhiarnak cu ke zung pawl liaknak in a diriam thei. Online fehtlang in fala pakhat thawn an beaw ṭheu, nikhat cu tongaw dingin a sim thei ih TikTok video an ṭuantlang tum.

Cutin TikTok video an ṭuan rero laiah Cheong in fala cu a kaihrem, a hngawng ah a rek ih zianghman a thei nawn lo. Zianghman thei lo ih aum laiah Cheong in fala ih ke zung pawl cu a liaksak ciamco, a cakhiarnak cu a sosang tuk ruangah fala ih pawhte thamsak a tum ih a kor cu a pum tiang a phelhsak lawk nan a duhsal lo.

Fala ih ke zung pawl lawng a liak ciamco, fala cu ara thangharh thutthi ih Cheong in a ke zung pawl arak liak rero lai cu a hmu. A rinlo laitak ah a tlansuak thutthi ih lamzin ah a au ciamco, “In that tum” tin a au ciamco ih motor mawng pawlin an run.

Palik an ko lohli ih Cheong Jia Jin cu an kai, Cheong hi The Institute of Technical Education ah tlawng kailai a si ih a thiltuahmi cu a phuangaw. A sualnak hi a danglam zet ih palik pawlin thla 8 sung thawngtla dingin a thu an ṭhencat.

Thu an sutnak ah fala in a hngawng ah hliamhma a tuar thu le a thiltonmi ruangah ningṭih thlaphang ih aum thu pawl a rel. A thiltonmi ruangah a khuaruahnak a siatsuat ih siizung ah an tuamhlawm, curuangah Cheong ih thuhla cu court in a relsal dingih thiamlo a co asilen kum 3 sung thawngthlak le zangndamnak ah $5,000 zat a kuan thei.

Be the first to comment

Leave a Reply

Your email address will not be published.


*