Singer Van Nei Man Ih Facebook Hack Sak A Si !!!

Pathian thangṭhatnak zaihla thawn Chin mipi pawl rak awi ringring tu singer Van Nei Man ih facebook account cu misual in an hacksak ruangah a hmang thei nawn lo.

A rualnu Rebecca E Nuam Nuam in, “Ka rualnu singer Van Nei Man ( Man Te) ih fb misual pawl ih an hack sak ih tu a hmin thawn rualpi tampi bum tum vivo in rak report thluh sak hram uh law, amah aiawh in zangfah ka lo dil hai (Theifiang duh pawl messager ah in sut thei)” tin a tarlang.

Theihternak: Gospel Singer Sayamah Van Nei Man (Mante) ih Fb #Hack sak a si. A Fb hmang in mawilo deuh ih cangvaihnak aum pang asilen amah asilo ti kan theih tlang ding ah kan run lo theihter ta” ti khalin tarlang a si.

Online a si vekin online sungah misual le suamhmang khal an tam zet ruangah kan ralring a ṭul, cun facebook profile lock hi kan ngaina lo zet nan tulai san ahcun a ṭul rero zo.

Online rak hmang hmaisatu pawl cun an facebook profile hi an lock rero thlang. A san cu misual in mizuk hi an laksak ṭheu ih fake account an tuah, cutin anmah vekin an friend list ih um pawl cu bum an tum vivo.

Be the first to comment

Leave a Reply

Your email address will not be published.


*