Sinon Loresca In Myanmar Bawmnak Hrang Sumpai A Khong Ding

Kum 32 mi Sinon Loresca cu Myanmar ramsung ah caan reipi arak um zo ih miharsa pawl a bawm ṭheu. Zuknung a cang ih model hminthang zet khal a si, amah hi Philippines mi a si. Ralkap in thuneihnak an lak hnu ihsin UK, London khawpi ah aum.

A umnak hmun ihsin Myanmar ram hrang nasa zetin a cangvai ih ralkap cozah duhlonak khal a langter, tu’ah Covid-19 in Myanmar ramsung a nuaisal ruangah Sinon Loresca in Myanmar mipi pawl bawm dingin a tawlrel rero lai.

Sinon Loresca in “Ka duhdawtmi Myanmar mipi pawl, Myanmar ramsung ah Covid-19 thlisia a veithumnak a hrangsal ti ka rak thei.

Curuangah leitlun huap ih um ka mipi pawl hnenah bawmnak ka rak dil ding, ka ngahmi sumpai cu Myanmar ram ih oxygen ṭul pawl hnenah ka hlu thluh ding. Myanmar mipi pawl rak tang hramhram uh law, nan hnenah keimah le leitlun mipi pawl kan um lai.

Nangmah thawn harsatnak phunkim kan dotlang vivo ding” a ti. Cun, Myanmar ramsung ih oxygen bur zuar pawl khal a man ti khung ciamco hlah uh. Pangaiten zuar hram uh, minung nunnak runsuah tum sawn uh law” tin a tarlang.

Be the first to comment

Leave a Reply

Your email address will not be published.


*