South Korea Actress Hminthang A Thi Thutthi >>>

South Korea actress le model hminthang kum 29 mi Kim Mi-soo cu January 5, 2022 ah leitlun a suahsan tin a hnaṭuanpi pawlin mipi hnenah an theiher.

Kim Mi-soo hi South Korea Actress hminthang pakhat a si ih ‘Snowdrop’ timi zuknung ihsin mipi in an hmeltheih. Model a ṭuan phah ih a hlawhtling zet, cun Hi Bye, Mama! timi zuknung khal a cang.

Disney+’s drama fehtlang ihsin ‘Kiss Six Sense’ timi zuknung an cang rero lai nan a thih thu a thang veten Kiss Six Sense zuknung cu kan cawlhsan tin an phuang hngal. A hnaṭuannak Agency Landscape in, “Kim Mi-soo in January 5 ah in fehsan thutthi, a innsang pawl khal himi thuthang ruangah an riahsia tuk.

A innsang pawl ih ngennak vekin a ruak cu kan vuiliam lohli ding” tin an tarlang. Kim Mi-soo ih thihnak san cu an phuangsuak hrih lo ih thilṭulmi pawl an buaipi rero lai. A ruak cu Taeneung Sungsim Funeral Home ah an vuiliam ding.

Be the first to comment

Leave a Reply

Your email address will not be published.


*