South Korea Awnmawi Hminthang Cu A Bawngbi Hruh Mi Ruangah US Vanzam Ihsin An Dawisuak

Kum 34 mi Hwang So-hee cu South Korea awnmawi tumthiam hminthang a si, DJ Soda tin an ko ṭheu. Ram dangdang a tlawngkual ih awnmawi thawn mipi pawl a awi. American ram ah aum lai.

April 26 ah American Airlines vanzam a to ih New York khawpi ihsin Los Angeles ah caan poimawh hmang dingin a poksuak. Vanzam sung a to hnuah vanzam hnaṭuantu pawlin a bag thawn suaksal dingin an fial, thilumdan a theithiam lo lawk.

Vanzam sung ihsin a suak ih ṭuanvo neitu in ‘na bawngbi hruhmi hi mipi lak ih hruh dingah a mawi lo, neta vanzam ah to aw’ a ti. A bawngbi hruhmi cu hnipuan tuahnak Ripndip company ih pekmi a si, a bawngbi ahcun ‘F**k You’ tin cangan mi aum ruangah ṭuanvo neitu pawlin vanzam to an siang lo.

DJ Soda in, ‘Los Angeles ah meeting poimawh an neih thu a sim thei ih neta vanzam ah to aw an ti. A bawngbi cu thleng dingin a ngen nan ṭuanvo neitu pawlin an siang cuang lo, a netnak ahcun a bawngbi cu a phelh ih bawngbite lawngin aum.

Cutin, vanzam to cu an siang sal, vanzam sungah bawngbite lawngin aum ih a ningnaa tuk. DJ Soda in, “Kum 8 sung ka khualtlawnnak ah hivek ka tong dah lo, himi bawngbi cu ka hruh ringring mi a si. Zalennak ram an timi ah diklo zetin in pehtlaih. Tu ihsin American Airlines vanzam hi ka to nawn lo ding” tin online parah a tarlang. DJ Soda sawmtu company pawlin vanzam ṭuanvo neitu pawl cu an pehtlaih tum rero lai.

Be the first to comment

Leave a Reply

Your email address will not be published.


*